“સ્વચ્છ સાગર,સમૃદ્ધ સાગર,સુરક્ષિત સાગર”

નવસારી જીલ્લાના ત્રણ સાગરતટ દાંડી-નવસારી, ભાટ-અમલસાડ અને ઉભરાટ-નવસારી ને પ્લાસ્ટિક મુક્ત કરવાની ઝુંબેશ.

      પ્લાસ્ટિક! પ્લાસ્ટિક એટલે માણસે બનાવેલ વસ્તુઓમાંથી એક હાનિકારક વસ્તુ.તમે પોતાની આસપાસ નજર કરો તો ઠેરઠેર તમને પ્લાસ્ટિકના ઢગલા જોવા મળશે.ઘર,ઓફીસ,શાળા-કોલેજો ,રસ્તાઓ અને જાહેરસ્થળો વગેરે જેવી કોઈ પણ જગ્યા બાકાત નથી જ્યાં પ્લાસ્ટીકે પોતાનું વર્ચસ્વ ન જમાવ્યું હોય.અમુક જગ્યા પર તમને પ્લાસ્ટિક કચરાપેટીઓમાં વ્યવસ્થિત પેક જોવા મળશે અને અમુક જગ્યાએ તદ્દન વેરણછેરણ. શું તમને ક્યારેય વિચાર આવ્યો છે કે આટલા બધા પ્લાસ્ટિકનો જયારે તે નકામા થઇ જાય ત્યારે નિકાલ ક્યાં અને કેવી રીતે થાય છે? ભારતમાં લગભગ ૮૦% કચરો હવા અને નદી-નાળા મારફતે છેલ્લે દરિયામાં ઠલવાય છે.પ્લાસ્ટિક એવી વસ્તુ છે જેને પાણી અને જમીન ભળતા ઘણા વર્ષો લાગે છે.હાલની પરિસ્થિતિ મુજબ જોવા જઈએ તો દર વર્ષે લગભગ ૩૦ લાખ ટન પ્લાસ્ટિકકચરો આપણા દરિયાઓમાં ઠલવાય છે મતલબ કે આપણે દર એક મીનીટે ટ્રક ભરીને પ્લાસ્ટિકનો કચરો દરિયામાં ઠાલવીએ છીએ જ્યાં તે આપણી દરિયાઈ જીવસૃષ્ટિ માટે જોખમી પુરવાર થાય છે. આ દરિયાઈ જીવો પણ કુદરત ના જ બાળકો છે.શું એમની સલામતીની જવાબદારી આપણી નથી? આપણા દ્વારા નિકાલ કરવામાં આવેલ કચરાથી બીજા જીવોનુ જીવન જોખમાય એ કેટલા અંશે વ્યાજબી ગણાય?આ માટે વર્તમાન અને ભવિષ્યમાં કદાચ આપણે આ ગંદકી ન ફેલાવીએ પણ અત્યાર સુધી જે પ્લાસ્ટિક પ્રદુષણ ફેલાવ્યું છે એનું શું?

તો આવો સૌ સાથે મળીને 17 સપ્ટેમ્બર,2022 ના રોજ શનિવારે સવારે ૭-૩૦ થી ૧૦-૩૦ કલાકે પર્યાવરણ સંરક્ષણ ગતિવિધિ દ્વારા આયોજિત “NAVSARI DISTRICT COASTAL CLEANUP CAMPAIGN" અંતર્ગત નવસારી જીલ્લા ના ભાટ(અમલસાડ),દાંડી(નવસારી) અને ઉભરાટ(મરોલી)માંથી તમારી નજીકના દરિયાકિનારાની વિસ્તારની સાફ સફાઈમાં ૨ કલાક માટે તમારું યોગદાન આપીને એક કદમ વધારીએ આપણા સાગરતટોને સ્વચ્છ અને સુરક્ષિત બનાવવા માટે.

જે રીતે માનવવિકાસમાં પ્રકૃતિ અમૂલ્ય ફાળો આપે છે એની સામે પ્રકૃતિના સંરક્ષણ અને સંવર્ધનની આપણી નૈતિક જવાબદારી છે.પરંતુ શું આપણે આપણી જવાબદારીઓ નિભાવવામાં સમર્થ નીવડ્યા છે ખરા? આડેધડ કપાતા વૃક્ષો,ઝેરી વાયુ છોડતા વાહનો અને ફેકટરીઓ, મશીનરીઓ અને વિવિધ રાસાયણિક કેમિકલ્સથી દુષિત થતા પાણીના નિકાલ અંગે આપને કેટલા સજાગ છીએ?

17 સપ્ટેમ્બર,2022 ના રોજ “NAVSARI DISTRICT COASTAL CLEANUP CAMPAIGN”અંતર્ગત નવસારી જીલ્લા ના ભાટ,દાંડી અને ઉભરાટ દરિયાકિનારાના વિસ્તારની સાફ સફાઈમાં ૨ કલાક માટે તમારું યોગદાન આપો.

એક કદમ સાગરો ને પ્લાસ્ટિકમુક્ત કરવા માટે, આવો સૌ સાથે મળીને આ પ્રયત્નને સફળ બનાવવામાં સહભાગી થઈએ.

માતા અને જન્મભૂમિ સ્વર્ગ કરતા પણ મહાન છે.જ્યાં વિશ્વભરના વૈજ્ઞાનિકો પૃથ્વીની ઉત્પત્તિ ના અનુમાનો લગાવે છે ત્યાં ભારતીય દર્શન પૃથ્વીના આયુષ્યને અબજો વર્ષોનું મને છે અને ભારતીયો માટે પૃથ્વી કોઈ સ્થૂળ પદાર્થ નહિ પરંતુ પૂજનીય માં સમાન છે. આપણા ભારતવાસીઓ માટે જેટલું મહત્વ ધરતી માતાનું છે એટલુજ મહત્વ આપણી નદીઓનુ અને  છેલ્લે એ બધી જ નદીઓના સંગમથી બનતા વિશાળ સમુદ્રો નુ છે.કુદરતની કૃપાથી ભારત પાસે ૬૧૦૦ કિલોમીટર લાંબો વિશાળ સમુદ્રતટ છે જે દેશના આર્થિક વિકાસ માં ઘણી બધી રીતે મહત્વ નો ભાગ ભજવે છે.ગુજરાતને ૧૬૫૯ કિ.મી.ની દરિયાકીનારો મળ્યો છે.

ગુજરાતના વિકાસ માટે સરકાર તથા ઔદ્યોગિક સંકુલોએ ગોલ્ડન કીરીડોર તરીકે ઉદ્યોગોનો વિકાસ કર્યો અને વધતી જરૂરિયાતોને પહોંચી વળવા માટે જમીન અને પર્યાવરણના પ્રશ્નોના લીધે દરિયા કિનારા તરફ નજર દોડાવવી પડી.વ્યક્તિઓ, સમાજ અને ઉદ્યોગપતિઓ પોતાના જ હિત જુએ છે. પરંતુ બધાના હિતોને ધ્યાનમાં લેવાયા નથી અને માઠી અસરો ઉભી કરી છે.છેલ્લા પંદર વર્ષમાં લગભગ અડધા પ્લાસ્ટિકનું ઉત્પાદન થાય છે. પ્લાસ્ટિકનો ઉપયોગ અંકુશની બહાર થઈ ગયો છે અને ગ્લોબલ વોર્મિંગ, પર્યાવરણ અને માનવ સ્વાસ્થ્ય પર તેની અસર થઈ રહી છે. પ્લાસ્ટિક બેગ એ આપણા મહાસાગરોને પ્રદૂષિત કરતા કચરાના મોટા જથ્થાનું એક ઉદાહરણ છે.

પેકેજિંગ માટે આપણે જે પ્લાસ્ટિક ઉપયોગમાં લઇએ છીએ એમાંના ત્રીજા ભાગનું પ્લાસ્ટિક આપણા રસ્તાકિનારે અને દરિયાકાંઠે એકઠું થાય છે અને આપણા કુદરતી પર્યાવરણને પ્રદુષિત કરે છે. દર વર્ષે એક કરોડ ૩૦ લાખ ટન પ્લાસ્ટિક આપણા દરિયામાં ઠલવાય છે,મતલબ કે આપણે દર એક મીનીટે ટ્રક ભરીને પ્લાસ્ટિકનો કચરો દરિયામાં ઠાલવીએ છીએ જ્યાં તે આપણી દરિયાઈ જીવસૃષ્ટિ માટે જોખમી પુરવાર થાય છે.

આ પ્લાસ્ટિક કચરાને કારણે 2000 થી વધુ સમુદ્રી પ્રજાતિઓ મૃત્યુ પામે છે.આપણે ત્યાં દર વર્ષે સરેરાશ 1000 કાચબાઓ, 300000 વ્હેલ અને ડોલ્ફીન આકસ્મિક રીતે જાળ અને પ્લાસ્ટિક થેલીઓમાં ફસાઈ જાય છે અને ગુંગળામણ,ભૂખમરો અને થાક દ્વારા ધીમી ગતિ એ મૃત્યુ પામે છે.

આ દરિયાઈ જીવો પણ કુદરત ના જ બાળકો છે.શું એમની સલામતીની જવાબદારી આપણી નથી? આપણા દ્વારા નિકાલ કરવામાં આવેલ કચરાથી બીજા જીવોનુ જીવન જોખમાય એ કેટલા અંશે વ્યાજબી ગણાય?આ માટે વર્તમાન અને ભવિષ્યમાં કદાચ આપણે આ ગંદકી ન ફેલાવીએ પણ અત્યાર સુધી જે  પ્લાસ્ટિક પ્રદુષણ ફેલાવ્યું છે એનું શું? તો આવો સૌ સાથે મળીને 17 સપ્ટેમ્બર,2022 ના રોજ “NAVSARI DISTRICT COASTAL CLEANUP CAMPAIGN" અંતર્ગત નવસારી જીલ્લા ના ભાટ(અમલસાડ),દાંડી(નવસારી) અને ઉભરાટ(મરોલી) દરિયાકિનારાના વિસ્તારની સાફ સફાઈમાં ૨ કલાક માટે તમારું યોગદાન આપીને એક કદમ વધારીએ આપણા સાગરતટોને સ્વચ્છ અને સુરક્ષિત બનાવવા માટે.

“NAVSARI DISTRICT COASTAL CLEANUP CAMPAIGN ” અંતર્ગત 17 સપ્ટેમ્બર,2022 ના રોજ નવસારી જીલ્લા ના ભાટ,દાંડી અને ઉભરાટ દરિયાકિનારાના વિસ્તારની સાફ સફાઈ અંગેની ઝુંબેશ હાથ ધરવામાં આવી છે.તો શું એક ભારતવાસી તરીકે,એક જાગૃત નાગરિક તરીકે અને પ્રકૃતિના બાળક તરીકે એક નાનકડા પ્રયત્ન માં તમે સહભાગી થશો ખરા? આવો સૌ સાથે મળીનેઆ પ્રયત્નને સફળ બનાવીએ.